På årsmøte 29.01.24 vart Tove Nødset vald til ny leiar av Fagforbundet Helse Førde.
Tove er hjelpepleiar og jobbar i turnus på Indre sogn Psykiatrisenter. Ho har vore tillitsvald der i fleire år, og er også nytt medlem av klinikk arbeidsmiljøutvalet (KAMU) i Psykisk Helsevern.
Tove tek over leiarvervet etter Sølvi Anne Birkeland, som har vore leiar i 3 år. Sølvi skal ha permisjon i jobben sin i Helse Førde for å gå inn i vervet som regionsekretær i Fagforbundet Vestland, og vi ynskjer ho lykke til med nye utfordringar.
Det vart også mange andre utskiftingar og endringar i styret til Fagforbundet Helse Førde på dette årsmøtet, så det blir ei fin blanding av gamle travarar og nye kostar.
Alt står i protokollen som vert lagt ut når den er underskriven.
Vi ynskjer alle til lukke med arbeidet i året som kjem!