Må vere paramedisinar for å kalle seg «paramedic»

Helsedirektoratet har sendt et brev til alle helseføretaka om at bruk av tittelen «paramedic» krev autorisasjon som paramedisinar.

22.01.2025
Sist oppdatert: 22.01.2025

– Ein viktig del av autorisasjonsordninga er at ein ikkje kan bruke ein beskytta tittel utan å ha autorisasjon, forklarer Iren Luther i Fagforbundet.

Når autorisasjon for paramedisinarar kom på plass vart difor tittelen «paramedisinar» ein beskytta tittel. I tillegg til sjølve tittelen seier òg Helsepersonellova at det ikkje er lov å nytte titlar som kan gi inntrykk av at ein har autorisasjon. Sidan «paramedic» er det engelske uttrykket for paramedisinar kan bruk av denne gi inntrykk av at ein har autorisasjon.

Fagforbundet oppmodar medlemmane å søkje autorisasjon etter overgangsordninga.

– Ein av måla med overgangsordninga var å sikre at fagfolka som har denne kompetansen ikkje blir avskilta, seier Luther.

Du kan lese meir om overgangsordninga hos Helsedirektoratet.